Studentët në Marrëdhënie Publike dhe Komunikim Marketingu, si edhe studentët e Shkencave të Komunikimit në Kolegjin Universitar “Bedër”, zhvilluan një leksion të hapur në kuadër të lëndës “Marekting Digjital”.
I ftuar për të ligjëruar dhe diskutuar me studentët ishte Elvin Civicin, drejtori i departamentit te digjital në kompaninë McCann Tirana.
Z. Civici foli rreth faktit se sa i rëndësishëm është drejtuesi në një kompani, sidomos marketingu, në lidhje me përcaktimin e roleve dhe detyrave për punonjësit dhe për veten e tij.
Më tëj ai, diskutoi me studentet rreth marketingut digjital, përparësitë dhe pengesat, duke theksuar si çelës gjithmonë përditësimin e faqeve.
Duke iu shpjeguar studentëve, se si praktikohet marketingu digjital, ai, e ndau punën ne tre seksione:
Së pari, seksioni prodhimit, ku ndërtohen website, aplikacione, me fokus kryesor gjithmonë klientin.
Së dyti, seksioni i kontentit (përmbajtjes) për mediat sociale dhe online, nga ku duhet të kuptohet se çfarë po kërkon klienti.
Së treti, seksioni reklamimit, nga i komunikohen mesazhet audiencës.
Gjatë leksionit, studentët patën mundësin të bënin pyetje rreth temës, dhe kryesisht mediave të reja dhe digjitale.
Themeluesi dhe drejtuesi i Bussines Mag dhe New Media Digjital, Gerti Boshnjaku, ishte i ftuar në një leksion të hapur me studentët e vitit të dytë Master në Shkenca Komunikimi në profilet Marrëdhënie Publike dhe Gazetari. Leksioni u mbajt në kuadër të lëndës Marketing Mediatik dhe të lëndës Konceptim dhe menaxhim fushatash.
Z. Boshnjaku foli rreth temës së blerjes së hapsirës mediatike dhe planit të medias në lidhje me reklamat. Ai shpjegoi se arrihet blerja e haspirës mediatike, si kordinohen me fashat e orareve dhe roli që ka një agjenci marketingu mes medias dhe kompanisë.
Studentët diskutuan me z. Boshnjaku edhe për mënyrat që lidhen me matjen e audiencave në median tradicionale, evoluimi i metodave dhe mjeteve.
Ai vuri theksin mbi zhvendosjen e audiencave në median online dhe zhbërjen e konceptit të televizionit, në smartfonë, tabletë, monitorë, dhe televizore smart. Në këtë logjikë, ia shpjegoi edhe rëndësinë e përshtajes në dizajn për të gjitha pajisjet.
Më tej, studentët disktuan me Gerti Boshnjakun edhe për mënyrat se si një fushatë marketingu mund të arrijë te targeti i vet.
Së fundmi u disktua edhe marketingu digjital dhe nevoja e përshatjes së teknologjisë.
Klubi i Debatit në Kolegjin Universitar “Bedër”, zhvilloi ditën e sotme përballjen e parë për këtë vit akademik me temë: “Media online po rinovon protestën politike”.
Në qasjen pro temës ishin studentët e vitit të parë nga Departamenti i Drejtësisë Dorisa Hoxha, Kristina Tabaku dhe Harvi Xhaferaj. Ndërsa në qasjen kundër temës ishin studentët e vitit të dytë në Shkenca Komunikimi, Xhonledi Spahiu, Grisel Alla dhe Jonida Velia.
Në debatin e moderuar nga studentja Esmeralda Pashollari, të dyja grupet, pasi përkufizuan konceptet, dhanë argumentet dhe kundër-argumentete e tyre. I gjithë debati ishte intensiv dhe shfaqi shumë interes te studentët e tjerë.
Në fund, pasi juria shqyrtoi argumentet dhe kriteret e vlerësimit, me shumë pak pikë diferencë kaloi në fazën tjerët grupin e studentëve nga Drejtësia.
Pse çrregullimi në informacion nuk ka të bëjë vetëm me Lajmet e Rreme, ose me atë që në gjuhën angleze quhet “Fake Neës”? Pse profesionistët e sotëm të komunikimit duhet të njohin llojet e tjera të ndotjes së informacionit? Cilat janë mënyrat si krijohen, prodhohen dhe shpërndahen këto lloj informacionesh? Çfarë ndryshimi ka mes çinformimit, dezinformimit dhe keqinformimit? Pse politika i fut në të njëjtën kategori me “Fake Neës”-in lajmet e rreme por edhe të vërtetat?
Të gjitha këto pyetje morën përgjigje në një trajnim nga Dr. Erlis Çela në Institutin Shqiptar të Medias, ku studentët e Shkencave të Komunikimit në Kolegjin Universitar “BEDËR”, u njohën edhe me rreziqet që vijnë nga zhvillimi i teknologjisë dhe mediave sociale.
Përmes shembujve, të cilat u interpretuan në nëpërmjet koncepteve teorike, u diskutuan edhe mjetet e përhapjes së informacioneve të rreme pa qëllim dëmtimi (çinformimi), përhapja e informacioneve të rreme të organizuara qëllimisht për të dëmtuar (dezinformimi) dhe shpërndarja e informacioneve të rreme ose të vërteta që nuk duhen publikuar sepse cënojnë privatësinë dhe sekretin shtetëror (keqinformimi).
Videot false me përdorim shumë të mirë të teknologjisë dhe manipulimit, video jashtë kontekstit, përkthime të gabuara apo histori të trilluara, robotët fals të rrjetit, ndjekësit fals, troll-et dhe reklamat abuzuese qenë disa nga çështjet, te të cilat u ndal më gjatë gjatë këtij trajnimi.
Në fund të trajnimit një fjalë përshëndetëse mbajti edhe drejtori i ISHM-së, Z. Remzi Lani, i cili solli rezultatet e një ankete të opinionit publik shqiptar lidhur me besueshmërinë e medias. Studimi i realizuar nga studuesi Rrapo Zguri, është fokusuar në terma të tillë të imazhit si niveli i përmbushjes së misionit publik nga ana e medias, niveli i lirisë, shkallas e pavarësisë nga politika dhe nga interest e biznesit, ndikimi në luftën kundër korrupsionit, ekspozimi i vetë medias ndaj korrupsionit, etj. Z. Lani u shpreh se nga rezultatet anketës vlen për tu përmendur fakti se publiku shqiptar ka një besim më të madh te medias sesa te klasa politike. Sipas tij ky është një fakt i rëndësishëm, por nga ana tjetër duhet të marrë në konsideratë edhe fakti që ky besim po vjen në rënie.
Departamenti i Shkencave të Komunikimit, pranë Kolegjit Universitar “Bedër”, në kuadër e serisë së seminareve MarCom, organizoi sot në ambientet e Muzeut të Medias seminarin me temë: “Komunikimi në Biznes”. E ftuar për të folur rreth kësaj teme ishte znj. Rafaela Rica, themeluese dhe CEO e agjencisë “Iceberg Communication”.
Ajo diskutoi me studentët e Shkencave të Komunikimit mbi rëndësinë, rrisqet dhe më së shumti komunikimin në sipërmarrje, solli shembuj të shumtë nga eksperiecat e saj personale dhe profesionale, duke cilësuar si element shumë të rëndësishëm iniciativën, guximin dhe këmbënguljen, të cilat nuk duhet t’iu mungojnë të rinjve.
Më tej znj. Rica foli për të gjitha etapat ku duhet të kalojë një Start-Up, sa dhe si mund të realizohet një ide biznesi, dhe nga ana tjetër se si ideja të dështojë. “Duke qenë se jetojmë në një epokë të mbizotëruar teknologjike, edhe ideja duhet të lidhet me teknologjinë. Kështu teknologjia duhet të vihet në funksion të idesë sonë të biznesit”, tha ajo.
Në vijim, ajo sqaroi të gjithë procesin e komunikimit të sipërmarrjes, duke iu shpjeguar studentëve hapat që duhet të ndiqen deri tek dalja në treg. Veç imagjinatës dhe kreativitetit, rëndësi të madhe sipas saj duhet t’i kushtohet testimit të idesë. “Ideja duhet të testohet, duhet parë sesi reagon audienca. Njëkohësisht duhet të kemi bindjen që ideja jonë funksionon”, tha znj. Rica.
Trajtimi i temës kaloi edhe në mundësinë që ofrojnë mediat e reja duke u parë si një hapësirë shumë e vlefshme. “Fushatat marketing, sot, mund të bëhen në mediat e reja duke i shmangur ato tradicionale. Kështu marketingu bëhet edhe me pak para. Ne duhet t’i shohim mediat online si një vend shumë lehtë të përdorshëm”, theksoi ajo
Më tej, znj. Rica tregoi që çdokush në fillimet e sipërmarrjes ka dyshimet e veta, saqë shpesh njeriu mendon edhe të heq dorë.
Në fund ajo tha se në biznes menaxhimi i suksesit sa vjen e vështirësohet, ndërsa humbja të jep mësime, por qëllimi duhet të jetë ruajtja e integritetit personal.
Gjatë takimit studentët patën mundësinë të bënin pyetje dhe diskutime për çështje të cilat ata ishin të interesuar, në shumë aspekte të rëndësishme jo vetëm të komunikimit dhe marketingut, por edhe të mundësive të përfshirjes së tyre në fushën e sipërmarrjes.
Duke theksuar bashkëpunimin e vazhdueshëm midis Kolegjit Universitar Beder dhe Iceberg Comunication, znj. Rica përsëriti ftesën për studentët për tu angazhuar në projekte të ndryshme dhe mundësi praktikash profesionale pranë agjensisë.
Në ciklin e diskutimeve “Studenti dhe Profesioni” e ftuara e parë për këtë vit të ri akademik, në Departamentin e Shkencave të Komunikimit pranë Kolegjit Universitar “Bedër”, ishte gazetarja e mirënjohur Sonila Meço.
Ajo foli me studentët rreth “të bërit gazetari në kohë të vështira”. Në bisedën e moderuar nga lektorja e Departamentit të Shkencave të Komunikimit, Dr. Valmora Gogo, u diskutua roli i medias në shoqëri, marrëdhënia e medias dhe gazetarëve me pushtetin, vështirësitë që hasin gazetarët ne vendin e punës, modeli ekonomik i medias, hapësirat që kanë krijuar mediat e reja, si edhe rolin që ka audienca në mbarëvajtjen e emisioneve televizive.
“Ditët e sotme gazetaria është e vështirë, sepse ajo është e stigmatizuar. Problem kryesor mbetet marrëdhënia me pushtetin, dhe modeli ekonomik i medias”, tha Meço.
Më tej ajo konstatoi se “Ka një relativizim të gazetarëve, ata konsiderohen si të këqinj, dhe kjo ka çuar në një krizë besimi në gazetari, pra publiku nuk beson më te gazetarët. Sot gazetaria është në kohërat e kolerës. Në këtë logjikë gazetari duhet të mposhtë frikën, dhe të përdorë fjalën si të vetmin mjet që posedon.”
Diskutimi u përqendrua në hapësirat që ka gazetari në një televizion të rëndësishëm, në vijat të cilat janë të prekshme dhe të paprekshme, si edhe në rëndësinë që ka karakteri në profesionin e gazetarit.
Më tej, diskutimi kaloi në rolin që ka media online ditët e sotme, si ajo ndikon në opinionin publik dhe se si mund të shfrytëzohet kjo hapësirë nga gazetarët dhe nga vetë audienca. Ajo u shpreh që media online krijon mundësi të reja për gazetarët, shmang censurën dhe ndihmon në shpërndarjen e shpejtë të informacionit.
“Media online është një hapësirë ku të gjithë mund të jenë reporterë, të gjithë mund të flasin, të denoncojnë dhe të japin mendimin e tyre. Kjo hapësirë duhet shfrytëzuar, në të gjitha platformat e saj, sidomos nga gazetarët.”, cilësoi ajo.
Diskutimi kaloi edhe në çështje dhe problematika të tjera që lidhen me gazetarinë në ditët e sotme të tilla si disinformimi, censura, audiencat dhe agjendat mediatike.
Përgjatë takimi studentët patën mundësinë të bënin pyetje dhe të ngrinin çështje për diskutim.
Në fund Sonila Meço përgëzoi studentët për pyetjet që ata bënë dhe i uroi ata, duke i përballur me profesionin sa të vështirë dhe aq të bukur të gazetarit.
Sonila Meço është gazetare dhe drejtuesja e emisionit "Tempora" në "RTV Ora". Ajo është një gazetare me një përvojë të gjatë në televizionet "Top Channel", "TV Klan", "Vizion+" dhe "Agon Channel".
Departamenti i Shkencave të Komunikimit në Kolegjin Universitar “Bedër”zhvilloi një takim me studentë të cilët gjatë verës së kaluar kryen praktika profesionale pranë institucioneve mediatike, atyre të marrëdhënieve me publikun dhe pranë agjencive të marketingut.
Përgjegjësi i Departamentit, Dr. Erlis Çela, theksoi rëndësinë e takimit, në marrjen feedback-ut pas kryerjes së praktikave, për të riparë nëse është e nevojshme mënyrën e funksionimit. Më tej ai cilësoi rëndësinë që ka praktika profesionale për gjatë studimeve në zbatimin e teorive të marra në leksione dhe si hapi i parë për të ndërtuar karrierën.
Gjatë takimit studentët shprehën përshtypjet e tyre dhe rrëfyen eksperiencat që patën gjatë praktikës. Ata treguan për proceset e punës, vështirësitë dhe zgjidhjen e tyre në redaksi, në zyra marrëdhëniesh publike dhe agjenci marketingu. Ata treguan që pas përfundimit, disa prej tyre arritën edhe të punësoheshin me kohë të pjesshme pranë vendeve ku kryen praktikat.
Disa prej studentëve vlerësuan praktikën e kryer përgjatë vitit në portalin objektiv.al, portal ky i konceptuar në forme laboratori për studentët, i cili menaxhohet nga Departamenti i Shkencave të Komunikimit në KUB.
Më tej studentët shprehën dëshirën për të qenë sërish pjesë e praktikave profesionale edhe përgjatë periudhave të ndryshme të vitit.
Disa nga lektorët e Departamentit theksuan rëndësinë e praktikave profesionale për të lidhur kontakte me tregun.
Studentët e viti të parë bachelor, të Departamentit të Shkencave të Komunikimit, zhvilluan sot një vizitë në Bibliotekën Kombëtare. Kjo vizitë në bashkëpunim mes Departamentit dhe Drejtorisë së Marrëdhënieve me Studentët, u bë në kuadër të Ditëve të Orientimit.
Gjatë vizitës studentët u njohën me procedurat e antarësimit në Bibliotekën Kombëtare. Më tej ata mësuan rreth mënyrave të kërkimit në bibliotekë, si për mënyrën e kërkimit online nga sistemi, ashtu edhe për mënyrën e kërkimit të skedarëve fizik. Po ashtu ata u njohën me, historiku, përmbatjen, kushtet dhe standardet e bibliotekës.
Më pas, studentët u njohën më Qendrën Historike të Tiranës, Kompleksin Teatror, Galerinë e Arteve dhe disa hapsira të tjera.